Այսքան շատ ու պայծառ, արևոտ՝ 50 հոգանոց մի ողջ ընտանիք վեր է կացել ու ճանապարհ ընկել դեպի Հրանտ Մաթևոսյանի փոքր հայրենիքը՝ գյուղ, դպրոց ու հայրական տուն։
Զորակի միջնակարգ դպրոցը, որը հպարտությամբ կրում է Մոնթե Մելքոնյանի անունը, հայրենիքի սիրով ու արժեքներով եկել էր սեպտեմբերի 27-ին՝ հիշատակի օրը, Մաթևոսյանի հայրենիքում հնչեցնելու իր խոսքը, երգն ու պարը։
Հասել էին հայրական տուն, ակնածանքով լսել մեծ գրողի մասին։ Խոնարհումով պատրաստել էին խաղաղության մակույկներ, բաց թողել Ահնիձոր գետում՝ դրանց վրա կապույտ երկնքին ուղղված փոքրիկ հուշագրեր թողնելով։
Բարով եկաք, սիրելիներ։ Թող ձեր ուղին միշտ լինի պայծառ, ձեր ճանապարհի ամեն քայլը դառնա օրհնություն ու լույս։
Լուսանկարները սիրով տրամադրել է Նանե Քառյանը։
